Shillong, Jylliew, 03: San ngut ki khun kynthup ia ka kmie ki la kem pang bad la pynkit mar mar sha Hospital hadien ba ki la shitom jur na kaba bam ia u tit khlaw uba buid ba ki la kheit na kawei ka khlaw kaba don ha ka shnong Saiden, Ribhoi District.
Kine ki San ngut ki dei na kajuh ka longiing ki kynthup ia ka kmie ka Kong Larita Syiemlieh, u Wanphrangsngi Syiemlieh 23 snem ka rta, Daniki syiemlieh 16 snem ka rta, Larikynti Syiemlieh 14 snem ka rta bad u heprit Da-u-rajied Syiemlieh uba dang 3 snem ka rta.
La iathuh ruh ba arngut napdeng jong ki, ki don hapdeng ka jingshitom kaba jur khamtam ka kmie.
Mynta kine ki san ngut ki dang don hapdeng ka jingshah sumar ha Bethany bad ha Civil Hospital Nongpoh
Katkum ka jingtip ba la iohlum la iathuh ba kane ka la jia ha ka sngi u Blei ha ka por ba ka kmie bad ki khun ki dang bamja miet ha ka por kumba 10 baje mynmiet. Dei ha ka por shiteng miet ba baroh saw ngut ki la shitom jur na ka jingbam ia u tit khlaw uba buid ha ka por ba ki dang bamja miet.
