Shillong, Jylliew, 03: Ka Sorkar Jylla da ka jingsngew sarong ka la pynbit pynbiang ïa ka jingpyllait ïa ka kot opng u nongthoh ba la ïoh khusnam u Dr. Kynpham Sing Nongkynrih, ia kaba la ai kyrteng, ‘The Distaste of the Earth, ha ka jingialang kaba la long ha Meghalayan Age-The Store ha Connaught Place, New Delhi.
Ha kane ka sngi, napdeng kiba la shah khot sngewbha, la sakhi lang da u Commissioner and Secretary jong ka Sorkar Meghalaya u Dr. Vijay Kumar, ka Editor jong ka Penguin Random House India ka Shubhi Surana bad kiwei kiwei ki nongthoh kot.
U Dr. Kynpham u la ai khublei ïa kiba la shah khot sngewbha kiba la don bynta ha kane ka prokram kaba kyrpang bad u la ong ba ka kot kaba u la thoh halor ka “The Distaste of the Earth’ kan ailad ïa ki nongpule ba kin pynleit jingmut shaphang ka jingïadei bad ka mariang, ka jingkitkhlieh iwei ïa iwei pat bad ia ki jingangnud kaba mih nalade.
U Dr. Vijay Kumar haba kren ha kane ka jingialang, u la ai ka jingïaroh ïa ka jingnoh synniang u Dr. Nongkynrih.
Haba phai sha ka Meghalayan Age- The store, u la ong, “nga long uba kmen ba ngi la lah ban shna ïa kane ka jaka na ka bynta ka Art, Craft, Literature, Music. Kiba bun ki kam ki la jia hangne bad kane ka la pynlong ïa baroh kiba kmen bad kiba sngew sarong.”
U Ambassador jong ka France, lyngba u Dr. Vijay Kumar u la phah ia ka jingai khublei ïa u nongthoh halor kane ka kam kaba khraw.
Ha kane ka janmiet la sdang sa ka tem ka put da u Benedict Skhemlang Hynñiewta, kaba la pynshong shit ïa ka jingïalang, kaba la pynkut da kaba soi ïa ki kot bad kiba la iashim bynta ki la ïoh ka lad ban kynduh ïa u Dr. Kynpham Sing Nongkynrih bad ki la ïoh ïa ki kopi jong kane ka kot kaba thymmai ba dang shu pyllait.
ïa u Dr. Kynpham Sing Nongkynrih, la kha ha ka shnong Sohra bad u dei u nongthoh ba la paw ha ka poetry, prose, bad ki drama ha ka ktien Khasi bad English.
Ka kam kaba dang thymmai ka dei ka “The Distaste of the Earth,” kaba kynthup ruh ïa ki kot ban dang pynmih kum ka Epic Novel Funeral Nights (Westland/And Other Stories), The Yearning of Seeds: Poems (HarperCollins), Time’s Barter: Haiku bad Senryu (HarperCollins), bad ka Around the Hearth: Khasi Legends (Penguin).
Ki kam u Dr. Nongkynrih ki la paw ha ka jingshon kum ka Planet, The New Welsh Review, PEN International, The Literary Review, The Oxford Anthology of Writings na kane ka thaiñ shatei lammihngi ka ri India bad kiwei kiwei.
