Shillong, Jymmang 01: Ki bor Pulit ki la pynkhlaiñ ia ka jingpahara ha Shillong bad sha ki district bapher bapher ka jylla hadien ba ki la jia ki jingshah kawang petrol bom ha ki nongkynti ka Sorkar bad kynthup ia ki Police Station.
Ha ka jingiakren bad ki lad pathai khubor ha ka sngi Balang u Deputy Commissioner jong ka East Khasi Hills District u SC Sadhu u la ong, “ha ka jingshisha ia kane ladep iasyllok hynnin mynmiet bad u SP. Ngi la pynkhlaiñ ia ka jingpahra khamtam ha ka por mynmiet.”
U la iathuh ba u SP u la pynkhreh da ka buit ban iakhun pyrshah ia ki jingpynthud ia ka shongsuk shongsaiñ.
“Ngi la iakren ia kaei kaba ngi dei ban leh bad ia ki lad ki lynti ban ithuh ia kiba donkti bad ngin sa pyntip,” u la ong.
Shuh shuh u DC u la pyntip ba la pynmih ia ka jingbthah bakyrpang sha baroh ki tnat treikam jong ka Sorkar bad sha ki ophis Sorkar.
“Ngi ladep pyntip sha baroh ki tnat ba kin long kiba peitngor bad ba kin iada ia ki nongkynti jong ka sorkar, khamtam eh ban ym buh ha ki jaka paidbah bad ia ki kali sorkar. Ngi la pynkhlain ia ka jingpahara bad ngi kyrmen ba ha ki shi sngi ar sngi ngin sa lah ban tehlakam ia ka shongsuk shongsaiñ,” u la bynrap.
