Shillong, Jymmang 01: Ki runar ki bym lah satia ban ithuh durkhmat hynnin ka miet shiteng synñia ki la kawang da ki Petrol Bomb hakhmat ka khyrdop jong ka Sadar Police Station bad ka Rynjah Police Station bad ïa ka ophis Meghalaya Government Construction Corporation Limited (MGCC) kaba don ha ka thaiñ Rilbong.
U Chowkidar uba ju ap ha ka ophis MGCC ha ka jingiakren bad u nonglum khubor jong ka Batesi Tv ula ïathuh ba ki runar ki la wan da ka Scooty bad katkum ka video na ka CCTV jong ka ophis MGCC la sngewthuh ba dei ha ka por 11:39 baje mynmiet ka sngi baar ba la kawang da u petrol bom sha ka jaka ba la pynieng ïa ki kali ha phyllaw jong ka ophis.
Ha kane ka jingjia, ki ar tylli ba la pynieng ha phyllaw jong ka ophis ki la lait thaw na ka jingkem ding.
Ki Pulit tang shu ïoh jingtip halor kane, ki la leit mar mar sha ka ophis MGCC bad shimti noh ïa ki lyngkhot bilor ba la pait ban pynlong ïa ka jingtohkit.
