Shillong, ïaïong 29: Uwei u Transformer uba don ha Lumshatsngi (Bishnupur) u la bthei bad kem ding kynsan ha ka step Lah Sngi u Blei ha ka por kumba 10:00 baje mynstep.
Ka jingklang jong ki thylliej ding hapoh ka jaka ba la buh ia u Transformer ka la pynher syrngiew lut ia ki nongshong shnong bad ki paidbah kiba shong basah marjan bad kane ka jaka ba la buh ia u Transformer.
Ki bor pyniaid shnong tang shu ioh jingtip halor kane ka jingjia, ki la pyntip noh marmar sha ki bor ba dei peit jong ka Meghalaya Energy Corporation Limited (MeECL) ban phah pynlip ia ka bording khnang ba kan ym mih kano kano ka jingjia ba sngewsih bad ha kajuh ka por la pyntip ruh sha ki Pulit jong ka tnat Fire and Emergency Service (F&ES) ba kin pynlip ia ka ding kaba klang.
Katkum ka jingtip ba la iohlum la iathuh kam shym la don satia kano kano ka jingjia ba sngewsih na ka jingbthei bad ka jingkem ding jong une u Transformer.
