Shillong, Rymphang, 10: Namar ka jingshim kabu jong ki trai aikam kiba wanrah da ki bar jylla ban trei bylla ha ka dor kaba tat, ka Sohra Labour Union (SLU) ryngkat bad ka Khasi Student Union, South Khasi Hills ki la byrthen ban khynra naphang ïa ki jaka ba trei ki bar jylla kiba hap hapoh u pud u sam ka thaiñ Sohra bad Shella.
Ka Sohra Labour Union (SLU) bad ka Khasi Student Union, South Khasi Hills ha ka sngi Saitjaiñ ki pynlong ïa ka jingïalang ban ïapyrkhat halor ka jingshim kabu jong ki trai jylla ban wanrah da ki bar jylla ban trei bylla ha kane ka thaiñ.
U President jong ka Sohra Labour Union Bah Hilchestone L Marshillong u la pynpaw ba ka jingïalang ka la shim ïa ka rai ban leit khynra sha ki jaka ba aikam ki trai jylla ïa ki bar jylla ryngkat bad ki dkhot jong ka KSU namarba bun na ki samla Khasi mynta ki la lah ban trei ïa kiba bun ki kam ba kiwei pat ki briew kiba nabar ka jylla ki lah ban trei.
