Shillong, ïaïong, 20: Ka Jylla Meghalaya ka la sakhi ia ka jingpoi ki nongthep vote ha baroh ki Polling Station kaba kot 76.60%.
Katkum ka jingai jingkheiñ jong u Chief Electoral Officer (CEO) u Dr. BDR Tiwari, ka jingpoi jong ki nong thep vote ha Shillong Parliamentary Seat ka long 73.78 persen, katba ha Tura ka long 81.37 persen.
“Kane ka dei ka jingioh jingkheiñ bapura ha ka jingpoi ki nongthep vote,” la ong u Dr. Tiwari.
Ha u snem 2019, ka jingthep vote jong ki paidbah ka long 71.42 persen ha Shillong bad ha Tura 81.38 persen.
Ha ka elekshon MLA jong ka Ingdorbar Thawaiñ ka jylla kaba la long ha u snem 2023 ka jingpoi jong ki nongthep vote ka long 86.81 persen.
Ha Shillong Parliamentary Seat : Ha ki san tylli ki Constituency ka West Jaiñtia Hills ka jingpoi jong ki nongthep vote ka long 73.86 persen, ha ki ar tylli ki Constituency ka East Jaiñtia Hills ka long 77.56 persen, ha ki san tylli ki Constituency ha Ribhoi ka long 74.45, ha ki 17 tylli ki Constituency ka East Khasi Hilla ka long 71.85 persen, ha ki ar tylli ki Constituency ka Eastern West Khasi Hills ka long 77.78 persen, ha ki lai tylli ki Constituency ka West Khasi Hills ka long 72.80 persen, ha ki ar tylli ki Constituency ka South West Khasi Hills ka long 79.52 persen.
Ha Tura Parliamentary Seat: Ha ki saw tylli ki Constituency ka North Garo Hills ka long 80.84 persen. Ha ki lai tylli ki Constituency ka East Garo Hills ka long 79.60 persen. Ha ki khatwei tylli ki Constituency ka West Garo Hills ka long 81.38 persen. Ha ki lai tylli ki Constituency ka South West Garo Hills ka long 84.15 persen. Ha ki lai tylli ki Constituency ka South Garo Hills ka long 81.09 persen.
