Shillong, ïaïong, 20: Ka South Shillong Constituency ka la paw kum ka Constituency kaba poi duna tam ki nongthep vote kaba long tang 58.36 percent ha ka Elekshon Lok Sabha kaba la long ha ka sngi Thohdieng na Shillong Seat.
Katba ka Ranikor Constituency ka la paw kum ka Constituency kaba poi bun tam eh ki nongthep vote kaba kynjoh haduh 80.55 percent.
Ka South Shillong Constituency ka dei kaba la mihkhmat da u Bah Sanbor Shullai na ka Bharatiya Janata Party (BJP) katba ia ka Ranikor Consituency la mihkhmat da u Bah Pius Marweiñ uba long u MLA jong ka United Democratic Party (UDP).
Ha Tura Seat, ka South Tura ba la mihkmat da u Myntri Rangbah ka Jylla u Conrad Sangma ka dei kaba poi duna bha ki nongthep vote kaba long tang 69.60 percent, katba ka Rajabala ka dei kaba poi bun tam ki nongthep vote kaba kynjoh haduh 87.85 percent.
