Shillong, Jylliew, 04: Ka National Democratic Alliance (NDA) kaba la lamkhmat da ka Bharatiya Janata Party (BJP) ka la lah ban jop 293 seat, katba ka kynhun INDIA ba la lamkhmat da ka Indian National Congress ka la jop 232 Seat ha ka Parliament kaba don 543 Seat ha ka elekshon Lok Sabha ba la ñiew vote ha ka sngi Baar.
Kiwei pat ki seng sainpyrthei barit bad kynthup ïa ki kyrtong shimet ki la jop 18 Seat.
Katkum ka jingkheiñ ba la ai da ka Election Commision of India (ECI, ka BJP ka la jop 240 seat, ka Congress 99 seat, ka Samajwadi Party 37 seat, ka All India Trinamool Congress 29 seat, ka Janata Dal (United) – JD(U) 12 seat, ka Dravida Munnetra Kazhagam 22 seat, ka Telugu Desam 16 seat, ka Shiv Sena (Uddhav Balasaheb Thackrey) 9 seat, ka Shiv Sena 7 Seat, ka Lok Janshakti Party(Ram Vilas) 5 seat, ka Communist Party of India (Marxist) 4 seat, ka Yuvajana Sramika Rythu Congress Party 4 seat, ka Aam Aadmi Party 3 seat, ka Jharkhand Mukti Morcha 3 seat, ka Nationalist Congress Party Sharadchandra Pawar 7 seat, ka Rashtriya Janata Dal 4 seat, ka Indian Union Muslim League 3 seat, ka Janata Dal (Secular) 2 seat, ka Communist Party of India 2 seat, ka Rashtriya Lok Dal 2 seat, ka Jammu & Kashmir National Conference 2 seat, ka Communist Party of India (Marxist-Leninist) (Liberation) 2 seat, ka Viduthalai Chiruthaigal Katchi 2 seat bad kiwei kiwei party ki la jop mar 1 seat. Ki kyrtong shimet kiba jop ki long 7 ngut.
Ka BJP ka la kam ban thaw biang ia ka Sorkar ha ka sien kaba lai da ka jingiatreilang bad ki paralok kiba ka iatreilang.
