Jowai, Naitung 6 : Ki nongialam ka KSU Namdong Unit ha ka jingialam u President Samla Kitbok Lang Lamare ki la leit ban hiar biang mynta ka miet ban leit jurip ia ka CHC Namdong ha ka por ba lip ka light ha katei ka thain bad ka la lap ba haduh mynta kane ka CHC ka hap ban shong hapdeng jong ka jing dum.
U President ka Namdong Unit, u la ong ba kane ka CHC ka la long kum ka sem ki mrad, namar ba ka jing pynkha khun ruh lah isynei hap ban shu tbeh da ki mombati bad ki torch light, haba kumne kan jia aiu ia ka jingim briew, hato ban sumar briew ka long mo hapdeng ka jing dum. Ka tnad ka koit ka khiah ka la kheiñ dew thala ia kane ka CHC ka jong ngi khlem da shim khia ia ki jing pynsngew ka seng ha kaba iadei ban pynbha ia ki solar panel bad lane ban buh da ka Generator kumba la ai jingmut da ka seng ha kine ki khyndiat taiew kiba lah dep, u la bynrap.
Ka KSU kam lah ban shu peit da ki khmat ia kane ka jingeh kiba kane ka CHC ka hap mad, lada ka tnat ba dei peit kam shim khia ngin hap ban pyrkhat da kumwei pat.
