Shillong, Nailur, 12: Ïa u Symbud Myntri Rangbah ka jylla u Bah Prestone Tynsong la pynkynriah noh sha Intensive Care Unit (ICU) ka Apollo Indraprastha Hospital, New Delhi hadien ba ladep ban puid ïa ki bynta ka khlieh jong u namarba ka don ka jinglang snam lane ka jingjngem snam sha ka liang ka diang jong ka jabieng.
La puid khyndiat na ka bynta jong ka khlieh u Bah Prestone ha ka sngi Palei da ki doktor ka Apollo Hospital.
Ka khubor na ka Sorkar ka la ïathuh ba mynta u Bah Prestone u la kham ïohbor hynrei ki bahaing hasem kin dang hap ban ap lano ki doktor kin pynkynriah na ICU.
U Bah Prestone u la kem pang ha ka janmiet 9 tarik mynta u bnai bad la pynkit sha Nazareth Hospital, Shillong ban ïoh jingsumar hynrei ha ka Sngi Balang la pynkit noh ïa u sha Apollo Hospital ha Delhi.
