Shillong, ïaïong, 04: Ka Khasi Students Union (KSU) East Jaiñtia Hills District Unit ha ka sngi Palei ka la rakhe ia ka Sngi Kyrsiew Ri (Khasi National Awakening Day) ha Khliehriat hakhmat u mot ba la tei pynsahnam ia u Woh Kiang Nangbah.
Ha kane ka sngi, la iashim bynta lang da ki dkhot jong ki sengbhalang bhapher bapher ba kynthup ia ka FKJGP, HNYF, AJYWO, ki seng jong ki nongñiah kali kamai.
Ka KSU ryngkat bad ki paralok sengbhalang ki la thang ruh da ka ding ia ka kopi jong ka Citizenship (Ammendment) Rule, 2014.
Kum shi bynta ban pynpaw ia ka jingpyrshah bajur halor ka jingthmu jong ka Sorkar ban wanrah ia ka lynti Rel sha East Jaiñtia ka seng ka la sam ruh ia ki kot lyngkdop ba la pynkhreh da ka lad pathai jong ka seng sha ki paidbah ha KJhliehriat ban pynsngewthuh ia ki paidbah kumno kan ktah ia ka thain bad ka jylla hi baroh kawei.
