Shillong, ïaïong, 05: Ka Mawkasiang Marvels bad ka Seng Samla Mawlong Nongpdeng ki la long ki ar tylli ki kynhun kiba la ioh rah ia ka nam lahduh ha ka Maitshaphrang Khasi League Basketball Tournament, 2024 ba la pynlong da ka Khasi Students Union (KSU) kum shi bynta ka jingrakhe ia ka Sngi Kyrsiew Ri (Khasi National Awakening Movement) kaba la long ha ka 4 tarik, Iaiong, 2024 ha madan ialehkai Baskesball ha Mawlai Nongpdeng.
Ka Mawkasiang Marvels ka la iohrah ia ka nam lahduh hadien ba ka la lah ban pynliem noh ia ka Dubakh C da 62 la 29 Basket katba ka Seng Samla Mawlai Nongpdeng ka la lah ban pynliem noh ia ka KSU Mawprem Circle da 41 la 40 Basket.
Ia ka nam player of the Match ha ka liang jong ki kynthei la iohrah da ka samla Nazarine Nongneng na ka Mawkasiang Marvels katba ia ka nam player of the Match ha ka liang jong ki shynrang la iohrah da u samla Steven Lamare na ka Seng Samla Mawlai Nongpdeng.
Ia kane ka lympung ialehkai la plie pyrda da u General Secretary ka KSU Seng Kmie u samla Donald V. Thabah uba la long kum u kongsan ryngkat ka jingsakhi lang jong ki nongialam bad ki dkhot jong ka KSU.
