Shillong, ïaïong, 22: Ka Voice of the People Party (VPP), khyndiat sngi hadien ba la kut ka election Lok Sabha hapoh ka jylla, ka la peh da u Prah ia ar ngut ki kyrtong MLA kiba iakhun ha ka election MLA kaba la long ha u snem 2023 bad ia uwei na ki nongialam na Mairang Constituency.
Ki ar ngut ki kyrtong MLA kiba la shah beh seng ha ka sngi saitjaiñ jong ka taiew baladep ki long u Bah Avner M. Pariat uba iakhun na ka East Shillong Constituency, u Bah Shanlang Warjri uba iakhun na Mairang Constituency bad ia u Bah Kherup Sing Thabah uba dei u nongkitkam na Mairang Constiuency.
Ia ka shithi beh seng la soi da u Chairman jong ka Disciplinary Committee jong ka party u Dr Kara H Shen bad da u Secretary ka Disciplinary Committee u Bah Grossper Ryntathiang, ka long hadien ka jingbthah jong ka State Executive Committee (SEC) jong ka party.
Ha ka shithi ba la phah sha kine ki lai ngut, ka Party ka la kynnoh ba kine ki lai ngut ki la kren pyrshah ia ka seng.
U Bah Avner Pariat ha kajuh hi ka sngi ba u la shah beh seng u la phah ia ka shithi iehnohkam sha ka party.
