Shillong, Jylliew, 10: Hapdeng ka jingtlot jong ka met, ka Kong Bindas Syiem ka la kyntait banl leit sha Hospital hadien ba ka la shong shah thngan khlem pud mynta la san sngi kynthih ban dwa ia ka Sorkar Jylla ba kan shna pynbha ia ka surok Nongpoh-Umden-Sonapur.
Ha ka nohphai sngi jong ka Lah Sngi u Blei mynta ka taiew, la sakhi ba ki doktor bad ki nongtrei ka tnat ka koit ka khiah lem bad ki bor synshar jong ka East Khasi Hils District ki la wanrah lypa ia ka kali Ambulance ban pynkit noh ia ka Kong Binda sha Hospital, hadien ba ki doktor kiba la eksamin ki la shem ba ka Blood Pressue ha ka met jong ka Kong Bindas ka la hiar bha.
Ki doktor ki la iathuh ba ka Kong Bindas Syiem ka la kyntait ban leit sha Hospital wat hadien ba ki la shem ba ka met jong ka, ka la tlot shaba palat.
Ka Kong Bindas ka la wah ruh hakhmat ka ïing sher dara ba ka shong shah thngan khlem pud sngi ha Parking Lot kaba don markhap bad ka opphis Additional Secretariat ia ka jingthoh kaba ong, “ha ka Sorkar Meghalaya MDA-II, Nga ka Kong Bindas Syiem nga la rai ba ngam mih nangne na ka jaka shah thngan ban leit sha kino kino ki jaka sumar ne sha kino kino ki jaka khot iakren bad nga kwah tang kawei, kata, ka dei ka rai jong ka Cabinet ban wanrah hangne ia ka Order ban pyntrei noh mardor ia ka surok na Nongpoh sha Umden haduh Sonapur bad ngan sa weng noh ia ka jingshah thngan.”
KANE KA DEI KA RAI BA KHATDUH JONG NGA!!
