Shillong, Jylliew, 09: U MLA ka Congress na Gambegre u Saleng A. Sangma uba la shah jied dang shen kum u MP ka Lok Sabha un sa resaiñ kum u MLA ha ka Lah Sngi U Blei mynta ka taiew.
U Saleng u la shah jied kum u MP ba thymmai ka Tura Parliamentary Constituency hadien ba u la jop pyrshah ïa ka Sitting MP ka Agatha Sangma kaba long ka kyrtong jong ka NPP.
Katkum ka riti synshar jong ka ri, u nongmihkhmat paidbah um lah ban bat ïa ka kam kum u MP bad u MLA ha kajuh ka por.
Hadien ka jingresaiñ jong u Saleng kum u MLA, kan sa don ka elekshon shiteng samoi ha Gambegre Constituency.
Ka Congress kaba la jop 5 ngut ki MLA ha ka elekshon sha ka Ingdorbar Thawaiñ ka Jylla ha u snem 2023 mynta ka don sa tang saw ngut ki MLA ha ka Ingdorbar Thawaiñ ka Jylla kaba don 60 ngut ki dkhot.
