Shillong, Jylliew 10: Ar ngut ki briew ki la mynsaw bad uwei u la khladnoh hashen hadien ba ki scooty kaba ki shong ki la iatakhuh hajan ka skul step by step ha Barik, Shillong. Kane ka la jia ha ka por kumba shiphew shiteng mynmiet ha ka 10 tarik, jylliew, 2024.
Ha kane ka jingjia, kawei ka kynthei kaba la tip kyrteng kum ka Lisa Pradhan kaba la 34 snem ka rta ka la mynsaw katba u kurim jong ka u Devendra Nayak uba la 38 snem ka rta u la lait thaw khlem mynsaw eiei. Kine ki shikurim ki dei ki nongjngoh pyrthei kiba na ka jylla west bengal kiba dei kiba shong ha ka scooty kaba don ia u nomber ML 05-AA-8256 kaba la shah tynrah ha ka scooty kaba don ia u nombar ML05-Y-1286 ha kaba uba uwei na kiba shong ha kane ka scooty ia u bym pat lah satia ban tip kyrteng u la khlad hashen katba uwei pat u paralok jong u pat uba la mynsaw jur la tip kyrteng kum u Bishal Mandal uba la 20 snem ka rta uba sah ha Demsein̈īong, Shillong.
Ia kine kiba la mynsaw ha kane ka jingiatakhuh kali la pynkit noh ha ka Ambulance 108 sha Shillong civil hospital ban ioh ia ka jingsumar.
