Shillong, Jymmang, 07: U MLA jong ka Voice of the People Party (VPP) na Mawryngkneng Constituency u Bah Heavingstone Kharpran ha ka sngi Baar u la ai sngewbha da ki tiar ialehkai ia u heprit Samborlang Rynjah uba la bna nam mynta kum u Junior Martinez hadien ba ka sap ap kol jong u ka la saphriang stet haduh katta katta ha ka social Media.
Shwa ban aiti ia kine ki tiar ialehkai u Bah Kharpran u la kitbok kitrwiang ia u heprit Samborlang ba un dup lah ban iaineh ha kane ka sap ialehkai phutbol tad haduh ba un da la heh ka rta khnang ba kan long ka lad kamai jakpoh na ka bynta jong u.
U la ong ruh ba kum u MLA un sa pynsngew sha ki bor sorkar ban iarap ia u heprit Samborlang na ka bynta ban kyntiew shuh shuh ia u sap ialehkai phutbol kaba u Blei u la ai kyrpang ha u.
