Shillong, Nailur 05: Khatlai ngut ki nonghikai kiba hikai ha ki skul bapher bapher jong ka jylla ki la shah pynkup burom da ka khusnam State Award ha ka jingrakhe ia ka sngi kyrpang jong ki nonghikai ha ka ri India baroh kawei bad kynthup ruh ia ka sngi kha jong u President barim ka ri India u Dr S. Radhakrishnan.
Ia kine ki nonghikai la pynkup burom ha ka jingialang kaba la long ha U Soso Tham Auditorium, Shillong ha ka 5 tarik u Nailur, 2023 da u Myntri ka tnat Pule Puthi ka Sorkar Jylla u Rakkam A. Sangma.
Kine ki 13 ngut ki nonghikai kiba la shah pynkup burom ki long ka Principal jong ka Laban Assamese Girls’ Higher Secondary School ka V. Dipali Sharma Rao, ka Kong Belinda Kharsati kaba dei ka Head Teacher, jong ka Pomlahier Lower Primary School, u babu Sising Ryntong uba hikai kum u Assistant Teacher, New Nongstoin ‘B’ Government Lower Primary School, u Babu Apborsing L. Mawlong uba hikai kum u Assistant Teacher ha Tirot Sing Memorial Government Upper Primary School, Nongkhlaw, u Babu Kwirin Diengdoh, Headmaster, Mawsaw Government Upper Primary School, Mawkyrwat, ka Kong Ewanmidaka Mukhim kaba hikai kum ka Assistant Teacher jong ka Government Girls’ Higher Secondary School, Jowai, u Babu Ribait Oo Pde u Assistant Teacher jong ka Tep Kyndait Government Upper Primary School, Tuber Kmaishnong, u Babu Golak Chandra Medhi, u Assistant Lecturer jong ka Jirang Government Higher Secondary School, New Jirang, u Babu Babansing Ch. Sangma u Head Teacher jong ka Rongreng Baiza Government Lower Primary School, u Babu Wilton Marak u Headmaster jong ka Daram Government Upper Primary School, u babu Frederick R. Sangma u Headmaster jong ka Dobasipara Upper Primary School, u Babu Manoj Kumar Prasad, u Assistant Teacher jong ka Montfort Centre for Education, ka Mirabella G. Sangma kaba dei ka Head Teacher-Cum Secretary jong ka Chengkompara Nokat Government Lower Primary School bad u babu Nozmul Arefin uba long u Vice Principal jong ka Baghmara Government Higher Secondary School.
Ha kane ka sngi, u kongsan u la pyllait paidbah ia ki projek bapher bapher jong ka SSA ba kynthup ia ka website jong ka Samagra Shiksha Abhiyan, ka PM e-Vidya Meghalaya bad kiwei kiwei.
Nalor kine, ki 13 ngut ki nonghikai kiba la ioh ia ka State Award, la pynkup burom ruh ia ki 36 ngut ki nonghikai kiba la ioh ia ka District Award bad ia ka Special Award jong u snem 2023.
Ki 36 ngut ki nonghikai na kylleng ka jylla kiba la ioh ia ka District Award ki long na East Khasi Hills, ka Dr. Careen E.G Marbaniang ka Assistant Teacher jong ka Mawkhar Christian Higher Secondary School, Shillong na ka bynta ka Secondary Section, u Babu Wallamkupar Lynrah, u Assistant Teacher jong ka Mawsiatkhnam Prebyterian Upper Priamry School (SSA) na ka bynta ka Upper Primary Section bad ka Kong Dafrit Nongkynrih, ka Assistant Teacher jong ka Tynring Govt. Lower Primary School, Tynring na ka bynta ki Lower Primary Section.
Ia ka Special Award 2023 (Inclusive School) la ai sha Kong Berrilang Nongrum, ka Special Educator jong ka Mary Rice Centre for Special Education, Laitumkhrah, Shillong. Katba u Dilip Kumar Mangar na St. Anthony’s Higher Secondary School, Shillong bad ka Miniefer Syiemlieh na KJP Girls’ Higher Secondary School, Shillong kiba la ioh ia ka khusnam Best Scoutmaster and Guide Captain 2023.
