Shillong, Jylliew, 17: Ka Muaythai Association of Meghalaya ka la pdiang burom da ka jingsarong ia ki khynnah shynrang bad kynthei kiba la leit ban iashim bynta ha ka National United Muaythai Championship ba la pynlong da ka All Assam Armatuer Muaythai Championship and Pro Fight Night 2024 ha Laxmibai Institute Physical Tapesia, Assam
Ha ka jingialang pdiang burom kaba la long ha ka shnong Demseniong, Shillong ha 15 tarik, Jylliew, 2024 la sakhi lang da ki nongialam jong ka Muaythai Association of Meghalaya bad kiwei kiwei kiba la shah khot sngewbha.
Ki nongjop ha kane ka National United Muaythai Championship ki la shah jied ban leit iashim bynta ha ka Sub Junior, Junior, shynrang bad kynthei ha ka Muaythai Fight Armatuer Under-23 bad kaWaikru jong ka lympung iakura kaba la tip kum ka “Youth IFMA WORLD Muaythai Championship” ka ban sa long ha Thailand, Bangkok naduh 26 tarik, Nailur, haduh ka 4 tarik, Risaw, 2024.
Ka Muaythai Association of Meghalaya ka ai khublei kyrpang ia ka Sorkar Jylla lyngba ka ophis jong ka Directorate of Sports and Youth Affairs, ia ka Meghalaya State Olympic Association kiba ju iarap ban kyntiew ia ka jingiakura Muay Thai bad ha kajuh ka por ka seng ka pynpaw ia ka jingsngewnguh shikatdei eh ia ka Meghalaya State Olympic Association kaba la ai jingithuh ia ka jingiakura Muay Thai, bad kaba la pynrung ia kane ka jingiakura ha ka Meghalaya Games ka ban sa long ha West Jaintia Hills Distrirct ha u snem 2025.
