Shillong, Nailur 04: Ki riewshim kabu ki bym don shuh ia ka mynsiem iatiplem na ka bynta ka jingkhuid jingsuba jong ka mei mariang, ki la bret dusmon ia ki jaboh ha rud surokbah Mawiongrim harum kawei ka jaka theh khyndew kaba don hajan ka Petrol Pump.
Ia kane la lap da ka kynhun lum khubor jong ka BatesiTV ha ka 4 tarik nailur, 2023 bad hadien katto katne por la wan poi sa u Bah Nicholas Kharnami ba ju khot sin da u bah Manik ha kaba u la pynpaw ia ka jingsngewkhia halor kane ka jingleh dusmon jong ki riew shim kabu ban pynjaboh ia ki surok bad ia ki lynti ki syngkien.
Na ka liang jong u Rangbah Dong ka Block-2 jong ka shnong mawiongrim, u Bah Rebelson Suchiang u la ong ba ka shnong kan wad ia ka jingtip kaba bniah ia kiba donkti lyngba u Bah Manik shwa ban shim da kawei pat ka sienjam.
