Shillong, Jylliew, 19: U President jong ka Shillong Sports Association (SSA) Bah Banteidor ha ka sngi Balang ryngkat bad ki nongkitkam jong ka Shillong Sports Association (SSA) ki la hiar jurip ia ka madan First Ground, ha Polo na ka bynta ban peit bniah thik pa thik ia ka jinglong ka jingman jong kane ka madan bad ia baroh ki bynta jong ka madan bad ia ka stadium kum shibynta ban buddien ia ki kam kiba dang sah teng bad ki bym pat lah ban pyndep satia.
U Chief Engineer ka State Sports Council (SSC) ka Jylla Meghalaya ryngkat u Kontrator ba la pyntrei ia ka madan Artificial Turf jong ka madan First Ground ki la kular ia u President bad ia baroh ki dkhot jong ka SSA, ba kin sa shimkhia ban maramot bad ban pynbha lut noh ia baroh ki bynta jong kane ka madan ialehkai phutbol.
Ha kaba iadei bad kane u Bbah Banteidor u la pynpaw ruh ba kane ka jingjurip ba mynta ka sngi kan ym kut tang ha ka jingwan buddien hynrei ka Shillong Sports Association kan sa ai ruh da ka jingthoh sha ka sorkar.
Kane ka jingjurip ia kane ka madan ialehkai phutbol ka la jia ryngkhat ruh ha kane ka kynti ba ka jingther jong u lapbah ka lyiur u la pynjulor ia ka madan ialehkai ia kaba la dei ban maramot.
