U Myntri Rangbah ka Jylla u Conrad Kongkal Sangma ha ka 19 tarik, Iaiong, 2023 u la hiar jurip ia ki madan ialehkai ha madan Polo, Shillong kiba dang don mynta hapdeng ka jingshna pynbha
Tang shu poi ha Polo, u Myntri Rangbah u la leit jurip nyngkong eh ia ka madan ialehkai First Ground kaba dang maramot bad ka ban long kawei na ki madan ialehkai kaba bha ha kane ka jylla bad ha ka thaiñ Shatei Lammihngi baroh kawei.t
Ha kane ka jingjurip ba la synran lang ia u Myntri Rangbah da ki nongpyniaid jong ka Meghalaya Football Association, ki Engineer na ka State Sports Council, ki ophisar jong ka tnat Sports and Youth Affairs ka Sorkar Jylla la iohi ba ka kompeni kaba shimti ban pynbha ia kane ka madan ialehkai ka dang pyntrei shaid shaid na ka bynta ban pynbit pynbiang ia kane ka madan khnang ba yn dup lah ban pynlong ia ka lympug ialehkai National Games bad kiwei kiwei de ki lympung ialehkai kiba heh ha ki snem ki ban sa wan.
Hadien kane, u Myntri Rangbah u la leit jurip pat ia ka jingmaramot ia ka madan JN Complex ha kaba na ka liang jong ki bor ba dei peit jong ka kompeni kaba shimti ban shna ia kane ka madan ki la pyni ia ka jingdro bad ia ka dur ka dar ba la shna pynwan dur thymmai ha JN Complex ia ki jaka pynieng kali, ki jaka ialehkai bad kiwei kiwei de ki jingdonkam jong ki madan ialehkai ha kane ka juk kaba mynta.
Ia ka khubor kaba bniah phi lah ban peit ha ka Youtube Channel jong ka Batesi TV.
