Shillong: Ia ki Finance Accounts and Appropriation Accounts na ka bynta u snem 2022-23, ba iadei bad ka sorkar Meghalaya, ba la pynkhreh hapoh ka Article 151 (2) jong ka Riti Synshar jong ka India, la wanrah ha iing dorbar thawain jong ka jylla Meghalaya ha ka 27.02.2024.
Ki Finance Accounts ki pyni ia ki jingioh bad jingsiew jong ka Sorkar na ka bynta u snem, ryngkat bad ki kam pisa ba la pynpaw da ki revenue bad capital account, public debt bad public account balance ba don ha ki account jong ka. La pyllait ia ki Finance Accounts ha ki ar tylli ki volume, ban pynlong ia ki kiba bit ba biang bad kiba ai jingtip. Ka Volume I jong ki Finance Accounts ki don ka Kaiphod jong u Comptroller and Auditor General of India, ki kaiphod jong baroh ki jingioh bad ki jingsiew bad ka ‘Notes to Finance Accounts’ ka don ka jingbatai shaphang ki polisi ba kongsan ba iadei bad ki kam pisa, ka jinglong jingman jong ki account bad kiwei kiwei. Ka Volume II ka don ki statement ba bniah (Part-I) bad ki appendice (Part- II). Na ka T. 17,641 klur ki jingioh ba la ioh jingtip ha ki Finance Account na ka bynta u snem 2022-23 ki bynta ba kongsan ba la ioh da ka jylla Meghalaya kilong T. 9,937 klur kum ka khajna, T.4,426 klur kum ki Grant bad T. 2,796 kum ki jingshim ram bad kiwei kiwei. Ka jingpynlut kaba bun ha u snem 2022-23 ki kynthup ka jingpynlut ia ki jinglum ia ki jingioh kaba T. 14,864 klur bud sa ka jingpynlut pisa kaba T. 2,742 klur.
Ki Appropriation Account ki kyrshan ia ki Finance Account. Ki pyni ia ka jingpynlut jong ka sorkar jylla pyrshah ia ki jinglut ‘Charged’ ha ka Consolidated Fund lane ‘Voted’ da ka Iing Dorbar Thaw Ain jong ka Jylla. Ki don 4 tylli ki grant ba kyllum lang jong ka Charged bad Voted, 06 ki Charged Appropriation bad 56 ki Voted Grant. Ha kaba kut jong u snem 2022-23, ka jingpynlut jong ka sorkar Meghalaya pyrshah ia ka mang tyngka ba la mynjur da ka iing dorbar thawain, ka pyni ka jingtyngkai kaba T. 532 klur (2.43 percent jong ka Revised Estimate kaba T. 21,926 klur). Ki katto katne ki grant kum kito kiba iadei bad ka jingkhmih ia ki kam ai jingsumar, ka jingkhmih ia ki kam ba iadei bad ka rep ka riang bad kiwei kiba iadei bad kane, ka jingkhmih ia ki kam jong ka Tnat Animal Husbandry bad Veterinary ka pyni ia ki jingtyngkai ba kongsan.
Ki Appropriation Account ki ai jingtip shaphang ka jingpynlut kaba bun kaba T. 3,439.41 klur palat ia jingai jingmynjur da ka Iing Dorbar Thaw Ain jong ka Jylla hapoh hynniew tylli ki Grant bad kawei ka non- grant. Ka jingpynlut kaba kham tam kalong hapoh ki grant ba iadei bad ka bai bam tymmen- T. 203.62 klur, Bording- T. 382.57 klur, Ki Kam ialehkai – T. 49.03 klur bad ka non-grant Public Debt – T. 2,786.56 klur. Shuh shuh, ka don ka jingpynlut kaba T. 804.75 klur (Revenue T. 24.40 klur, Capital T. 780.36 klur) kaba la lut khlem ka jingpynbiang lypa / Supplementary / re-appropriation ha 12 tylli ki phang, 5 tylli ki Grant bad kawei ka Non-Grant.
Ki Mat jong ki Annual Accounts
(i) Unadjusted Abstract Contingent (AC) Bills: Ki don 53 tylli ki Abstract Contingent (AC) Bills ba kot T. 98.25 klur kiba ym pat ioh ha kaba kut jong ka 31 tarik Lber 2023 na ka bynta ki Detailed Countersigned Contingent (DCC) bills. Kumta, kam don ka jingpynthikna ba ka jingpynlut kaba T. 98.25 klur ka dei kaba la lut na ka bynta ki kam ba la ai jingbit da ka Iing Dorbar Thaw Ain jong ka Jylla. (Para 2 (vi) ha ka sla ba 53-54 jong ki Finance Accounts 2022-23 Vol.I).
(ii) Ki Utilization Certificate (UC) bym pat ioh pyrshah ia ka Grants- in- Aid ba la sanction da ka sorkar jylla: Ha kaba kut jong u snem mang tyngka 2022-23, 454 tylli ki UC ba kot T. 3,436.01 klur ki dei ki bym pat ai, kumta, kam don ka jingpynthikna ba ka jingpynlut kaba T. 3,436.01 klur ka dei kaba la dep ban pynlut na ka bynta ka kam ba la ai jingbit. (Para 2 (vii) ha ka sla ba 54-55 jong ki Finance Accounts 2022-23 Vol.I).
(iii) Ka jingbei tyngka: Ki jingbei tyngka kum ka share capital ha ki kompani jong ka sorkar, ki corporation, ki Joint Stock Kompani bad Co-operative kalong T. 3,240 klur ha kaba kut jong u snem 2022-23, na kane T. 2,754.32 klur ka dei ha ki kompani bording. (Statement 19 jong ki Finance Accounts 2022-23 Vol.II).
(iv) State Disaster Response Fund (SDRF):
Na ka jingbei tyngka kaba T. 182.43 klur, ka sorkar ka la pyllait T. 51.58 klur ha u snem, bad ka sah sa T. 130.85 klur ka bym pat pyndonkam ha kaba kut u snem 2022-23.
(Para 4(ii)(A)(a) ha ka sla ba 61 jong ki Finance Accounts Vol.I, sla 411 jong ki Finance Accounts 2022- 23, Vol-II).
Na ka bynta jingtip ba bniah halor ki Anuual Accounts sngewbha iakren bad u Officer Mr. Ratul Chandra Borah, Spokesperson Deputy Accountant General (AE&VLC) Office of the Principal Accountant General (A&E), Meghalaya, Shillong. Telephone number: 0364-2223682(O) Website: www.cag.gov.in/ae/meghalaya/en E-mail: agaemeghalaya@cag.gov.in
Sngewbha peit ha ka website cag.gov.in/ae/Meghalaya/en na ka bynta ki Jingtip ha ka ktien phareng
