Shillong, Lber, 5: Haba ka sngi ka la sep, ki briew ki ia mih ban leit sha ka iew janmiet ha Nan Polok. Hadien bun ju khang shuh ha ka por 5 baje janmiet kum ba ju long, ka phalor ka plie ia ki nongdie jingieid ban plie ia ki dukan jong ki ban pynkylla dur ia ka Nan Polok da ki jingthaba bad jingshai, ka bam ka dih lem bad ki jingput jingtem ban pynshongshit.
Haba peit ia ki dukan, ngi lah ban Shem ia ki dukan bam bad kiwei kiwei ki ukn ba diebia ki mar ba bun jait lem bad ka jingdon ka rynsan ka put ka tem,bad ngi ai khublei ia ka MGMP namar kane. Hadien ka por 5 baje janmiet ki paidbah ki la sdang ban ia tuid sha kane ka jaka ban wad ia ki jaka ban ioh shong jahthait hajan ka rynsan ban iohsngew ia ki aur jingrwai katba kiwei pat ki iaid pyngngad sharum shneng ban peit ia ka jingitunnad k Nan Polok bad ban rung sha ki dukan ba don sawdong kane ka jaka naduh ba la plie paidbah ha ka 19 Tarik u kyllalyngkot.
Kane ka iew ka plielad ia ka jingiadei hapdeng ki jaid bynriew bapher bapher bad ka jingpynneh ia ka riti distur. Ym kum ha ka por mynsngi, kane ka iew janmiet ka wanrah iaka jingiadei lyngba ka put ka tem, ka bam ka dih bad ki mar ba shu shna hi.
Lyngba une u bnai baroh shi bnai, la sakhi ia ka jingwan jong ki briew bapher bapher sha kane ka jaka. Ki la mad ia ki jingbam ki babang bad bashngiam, ki la peit bad thied ia ki tiar ki tar bad ki la peit iapmat ia ka jingitynnad jong ka jaka. Man ka ki dukan ki don la ka jong ka jong ka jingitynnad kaba pynpaw ia ka jingriewspah ka kolshor bad ki riti distur jong ngi.
Ha kane ka iew miet, ka jingphai khmat kam long tang ha ka kamai kajuh hynrei ban don ka jingiadei kaba jan bad ki nongdie jingdie. Ka pynpaw ia ka mynsiem ha Meghalaya kum ha ka sngi iewbah ha kaba ki briew ki leit sha iew ym tang ban leit siew leit tda. Ka kren ka khana ka iaid shaid shaid hapdeng ki nongdie bad nongthied kaba wanrah ia ka jingiajan ha ka imlang.
Ka iew ka hat kam da dei eh ka jaka ban ia sngewbha, ka dei ka rynsan ia ki nongsengkam lajong, ki nongrep, ki nongshna tiar ban ioh ban pyni ia ka sap ka phong jong ki. Ka jinglong jan ka ailad ia ki nongwan ban ban bad leh sngewbha ia kaei ka ba ki lah ban ai kum ka bam ka dih, ki tiar ki tar bad ki mar rep ha ka dor ka ba tad ha kane ka iew
Hapdeng ka ia jong ka bor digital ka bym donkam ia ka jingiashem mar met, ka iew janmiet ha Nan Polok ka ieng kum ka ta ka ba ju long ban iashen bad iakynduh markhmat. Ki bahaiing hasem,ki lok ki jor bad wat ki nongwei ki iakynduh da ka jingsngewtynnad, ban iasam ym tang ia ki jingbam hynrei ia ki khana bad ka rkhie sngewbha. Haba sakhi ia kum kane ka jinglong jingman ka wanrai ia ka jingsngew long trai bad jingsngew long paralok ka long ka b bha ka ban beh noh ia ka jingsngew iapher jaid bynriew ka ban pynskhem ia ka jongiadei para briewHaba u bnai Lber u la wan, ka iew janmiet ka la jam sha u bnai bakhatduh. Ha ka jingiakren balyngkot bad ki nongpyniaid ka pynpaw ia ka jingthmu ban lehkmen ia kane ka jingjop da ki prokram bakyrpang. Na ka bynta kito ki ba kwah ban lait na ki jingbunkam ba man ka sngi, ka jingleit sha ka iew janmiet ha Nan Polok mynta u bnai phin mad ia jingkmen bad jingsngewbha.
