Shillong, Naiwieng 01: “Ka District Council ka dei ka stieh jong ka jaidbyndriew bad katba dang don ka District Council ka jaidbyndriew kan nym don ha tmier kumba bun kiba ong ba ka jaidbynriew Khasi ka la ha tmier,” ong u Symbud Myntri Rangbah ka Jylla haba kren ha ka jingialang kynmaw burom ia ka lyngkhuh sngi iap kaba 64 snem jong u Kpa ka Sixth Schedule u Rev. JJM Nichols Roy.
Ia kane ka jingrakhe la pynlong da ka Rev. JJM Nichols Roy Memorial Committee bad ka Rev. JJM Nichols Roy College, Qualapaty ha ryngkat ka jingiatreilang bad ka Khasi Hills Autonomous District Council (KHADC).
U Bah Tynsong ula ong shuh shuh, “lait noh sa tang lada wan ka Article 371 kata kein ka dei ka tmier ia ka jaidbyndriew bad ka jaidbyndriew ka lah ban duh noh.”
Ha kane ka jingrakhe, la sakhi lang da u Chief Executive Member jong ka Khasi Hills Autonomous District Council (KHADC) Bah Pyniaid Sing Syiem ryngkat ki Executive Member, ki MDC, ki dkhot jong ka Rev. JJM Nichols Roy Memorial Committee, ki nonghikai jong ka JJM Nichols Roy College, ki samla pule jong ka College bad kiwei kiwei. Ha kane ka sngi la sam ruh ia ki khusnam sha ki nongjop ha ka Debate Competition, ka Cross Country Race & Run ba la pynlong da kane
