Shillong, ïaïong, 23: U MLA jong ka North Shillong Constituency Bah Adelbert Nongrum ha ka sngi Baar u la dawa ïa ka Sorkar MDA ba la ïalam da ka National Peoples Party (NPP) ba kan shimkhia mardor ban pynkynriah noh ïa ki jaidbynriew Harijan kiba shong basah ha them Iewmawlong watla ka jingdawa ban pynkynriah noh ïa kine ki briew ka la kynjoh mynta la san snem tam.
Kane ka jingdawa jong une u MLA ka VPP ka long hadien ba ka la mih ka jingïahuri hura hapdeng ki jaidbynriew Harijan bad ki Khasi hadien ba la shoh khawyiang bad kyntait ban siew ïa ka pisa ïa kaba ki la siew hadien ha Police Station.
“Ngam lah ban shu peit bad ban shu sngap ïa ka jingjia ha ka 20 tarik mynta u bnai ha Saw Aiom Restaurant ha kaba ki nongshong shnong kiba nongshongwai ha Them Iewmawlong ki thmu ban pynmih jingkulmar kaba lehse ka lah ban mih binag ka jingkulmar kumba la jia ha u snem 2018,” ong u Bah Nongrum ha u kyrwoh ba la phah sha ki lad pathai khubor lyngba ka video.
“Kine ki nongshong shnong jong ka them Iewmawlong kumba ngi la ïohi lyngba ka Social Media ka jingthmu jong ki ka dei ban dihei bad bam-ei ha kane ka Restaurant bad ki thmu ban pynibor bad ban leh donbor ha kane ka jylla jong ngi, ka jaka jong ngi kaba ngim lah shah bad nga ai khulei ïa ki Pulit kiba la poi shwa ka por kiba la tem shwa ban mih ïa ki jingïakynad,” u la ong.’ “Ka tnat Pulit kam dei ban shu kut noh tang ban tem, ka tnat Pulit kaba dei ban pynneh ïa ka shongsuk shongsain. Ka tnat Pulit ka dei ban pynthikna ba ka aiñ ka long salonsar ïa baroh bad kam dei ban don ka jingleh shiliangkhmat tang ïa kawei ka jaidbynriew bad kane kan wanrah ïa ka jingshaniah ha ka tnat pulit,” u la bynrap.
“Nga kwah ban pynkynmaw ba kine ki jingjia, ki jia na ka por sha ka por bad ki lah ban dei ki jingjia kiba rit hynrei kaei kaba khraw ka shong ha iei iei ibarit,” la kynthoh u Bah Nongrum.
Haba phah ïa u kyrwoh sha ka Sorkar MDA u Bah Nongrum u la ong, “ka MDA-II kaba dei ruh ka MDA-I, san snem ki la ïakhun ïa kane ka kam hynrei ki la phiel ha baroh ki liang bad kane ka pynpaw ïa ka jingbym shimkhia, ïa ka jingbym kitkhlieh jong kita kiba kam ïalade kum ki nongïalam. Kaba sngewsih ka long ba la pynsahteng ban pynkynriah ïa ki nongshongwai na katei ka jaka kat shaba ki dei namarba ka jingdonkam kum u MLA nga kwah ban pynpaw ym dei ba nga isih ne ba nga shun namarba ka jinglong jingman ha ka koit ka khiah kam don ka long kaba itieng ïa ka koit ka khiah jong ki nongshong shnong bad ka katei ka ladei kawei na ki slum kaba don hapoh dohnud ka sor shillong kaba ngim ym lah ban pdiang. Nga kwah pynkynmaw ba dei ka Sorkar ka dei ban shim jingkitkhlieh kaba la pynslem. Nga kwah ban pynkynmaw ïa ka sorkar ba mardor ka dei ban pynkynriah noh kham kloi ïa ki paralok kiba shong ha katei ka jaka bad bym dei ban shu kular tang ïa ka ktien na kawei ka snem sha kawei pat ka snem bad mynta la palat san snem kaba long ka jinglehraiñ kaba khraw bad ka pyni ïa ka jingbym larkam jong ka Sorkar kat haduh ba ka Ingbishar High Court badonburom ka la hap ban tuklar.
“Ka Ingbishar High Court badonburom ka la tuklar ïa kiba bun ki kam bad kane ka pynpaw ba ka iktiar synshar jong ka Sorkar ba ïalam da ka NPP ka dei ka Sorkar kaba tlot. Ka don ka sorkar hynrei kam don pat ka jingsynshar. Ka Sorkar ka dei ban shim ïa ka jingkitkhlieh namarba ka la pynslem ban pynkynriah ïa ki nongshong shnong (Harijan) namarba mynta ha ka jaka ba kan (Sorkar) long ka nongweng ïa ki jingeh ka kylla long pynban ka nongthaw jingeh da kaba buh ïa ki jingker nar ban khang ïaid ïa ki kali (ha Thew Iewmawlong) kaba wanrah ïa ka jingdheng kali kaba shyrkhei kaba la ktah haduh ïa kiba heh haduh kiba rit, khamtam kito ki VIP kam ktah eiei namarba ki set kyllut bad ki kah matlah ki khmat,” la kynthoh u Bah Nongrum.
U la ong ba ki jingker nar ha them Iewmawlong ka la ktah bha ïa ka jingkhapngiah na ka jingdheng kali kaba shyrkhei naduh Anjalee, Khyndai Lad, Motphran bad ym don ba ïohi ym don ba ïohsngew namarba kiba don ha ka bor ki leh kyllut. “Kane ka dei ruh ka daw ba ka Sorkar kan hap ban shim ïa ka jingkitkhlieh,” u la ong.
 | ReplyForwardAdd reaction |
