Shillong, Nohprah, 08: Ki Pulit jong ka Pillangkata Out Post bad ka Umiam Police Station, Ribhoi District kiba la ioh ia ka jingtip kaba bniah na ki tnat syntiat jong ki shipai ka Eastern Command ki la pynlong ka jingkhyra ha ka shnong 9th Mile Baridua, Ri Bhoi District ha kaba ki la iohkem ia uwei u briew uba dei u nongshong shnong jong ka jylla Mizoram.
Ki Pulit ki la ioh kurup ruh haduh 1001 tylli ki kuli jong ka suloi AK-47, 7 tylli ki kuli jong ka suloi LMG 7.62, 14 tylli ki kuli jong ka suloi INSAS 5.56, 30 tylli ki kuli jong ka pistol .32 pistol, 3 tylli ki tyndong thep kuli ba la thylli, uwei u tear smoke grenade, uwei u hand grenade, kawei ka tyndong thep kuli ba la thylli jong ka suloi INSAS, 3 tylli ki tyndong thep kuli ba la thylli jong ka suloi AK47, kawei ka tyngam ba don bad ki bniat jong u sniang khlaw, 7 tylli ki reng Skei, kawei ka shynrong khlieh skei, bad 34 tylli ki muhor jong ki tnat treikam bapher bapher ka Sorkar.
Une uba la shah kem mynta u dang don ha kti jong ki Pulit bad ka jingtohkit pyrshah ia u ka dang iaid shakhmat ban lap ksai shuh shuh ia ka kynhun kaba donkti lang bad une uba la shah kem.
