Shillong, Risaw 11: Kum shi bynta ka jingrakhe ia ka jingdap 50 snem lane ka Golden jubilee ka Meghalaya Board of School Education ha ka Sngi Balang ka la pynlong ia ka Inter School Choir Competion halor ka phang “Celebrate the past, Embrace the present and Rise to the Future” kaba la long ha U Soso Tham Auditorium, Shillong, ba la iashim bynta da ki 8 tylli ki skul na East Khasi Hills District bad ki nongbishar ha kane ka jingiakop rwai ki long u Bah B. Latam, ka kong P. Warjri bad u Bah W.Nongsiej.
Ha kane ka jingiakop rwai ia ka nam lahduh la ioh rah da ka Synod Higher Secondary School ryngkat kaba la ioh khur ia ka song pisa kaba 30 hajar tyngka, ka St.Mary’s Higher Secondary School kaba la wan baar ka la ioh khur ia ka song pisa kaba 20 hajar tyngka bad ka Kiddies Corner Higher Secondary School kaba la wan balai ka la ioh khur ia ka song pisa kaba 15 hajar tyngka.
La sam ia ki khusnam sha ki nongjop da u Executive Chairman jong ka MBOSE u C.P.Marak uba la long kum u Kongsan ha kane ka sngi, ryngkat ka jingsakhi lang jong u Joint Director MBOSE Shillong u Bah Macdonald Marbaniang, ki nonghikai na ki skul bapher bapher, ki kmie ki kpa bad ki khynnah skul.
Ka Synod higher secondary school kaba long ka kynhun lahduh ha kane ka rynsan iakob ka la shah jied ban leit rwai ha ka 19 tarik risaw 2023 ha Tura ha ka sngi pynhap pyrda ia kane ka jingrakhe dap 50 Snem jong ka MBOSE.
