Shillong, Risaw 11: Ki shipai BSF Meghalaya jong ka 181 Battalion kiba ap pahara ha khappud ki la ioh ban pyllait im 70 tylli ki masi na khappud ia kiba la thmu ban khaii be-aiñ sha ka Ri Bangladesh.
Ki shipai BSF kiba la ioh ia ka jingtip kaba bniah ki la ai jingtip sha ki Pulit jong ka Meghalaya Police ban ap ktem ha khappud jong ka shnong Silbari, South Garo Hills ha kaba ki la ioh ban kurup 22 tylli ki muid. Ia kine ki muid la aiti noh sha ki Pulit ban leh ia kaba donkam katkum ki kyndon jong ka aiñ.
Ha kawei pat ka jingkhynra, ki shipai BSF jong ka 193 Battalion bad 172 Battalion ki la ioh kurup 48 tylli ki masi ba la thmu ban khaii be-aiñ sha ka ri Bangladesh lyngba ka khappud jong ka East Khasi bad ka East Jaiñtia Hills.
