Shillong, Naitung, 05: Ki kmie ki kpa kiba la ïap noh ka jingïatiplem ki la bret ïa la i jong i khun iba dang shu kha ha surok shnong Bakur Khliehshnong, West Jaiñtia Hills District.
Katkum u kyrwoh ba la phah da u Superintendent of Police, West Jaintia Hills, la ïathuh ba la lap ïa i khunlung ha ka 2 tarik, Naitung, 2024 ha ka por kumba 11:00 baje mynstep. Ki Pulit kiba la pynlong ïa ka jingtohkit kim shym la lap dien satia ïa ki kmie ki kpa jong i khunlung.
Ki Pulit ki la register case ha Dawki Police Station hapoh ka Section 94 BNS, 2023 bad ïa ka metïap jong i khunlung la buh ha Ïalong Civil Hospital hadien ba ladep leh ïa ka post mortem.
U SP u la pyntip, lada ki kmie kpa lane ki bahaing hasem jong i khunlung kiba kwah ban kam ïa ka metïap ki lah ban wad jingtip na ki Pulit ka Dawki Police Staton da kaba telephone ha ki nombar: 9402303222/9862370673 bad ha Jowai PCR No: 9774065467/03652220782.
