Shillong, Jymmang, 24: U Menangmankhraw Kharkongor na ka St. Anthony’s Higher Secondary School, Shillong bad u Gaurav Bharali na ka St. Edmunds Higher Secondary School, Shillong ki la long ki arngut ki khynnah skul ban pas ha ka kyrdan banyngkong eh ha ka Top Ten jong ka result Higher Secondary School Leaving Certificate (Arts Stream) ba la pynbna da ka Meghalaya Board of School Education ha ka 24 tarik u Jymmang, 2024.
U Manangmankhraw bad u Gaurav ki la ioh mar 468 marks.
Na ka St. Anthony’s Higher Secondary School, Shillong kiwei pat ki khynnah skul kiba la poi ha ka kyrdan Top Ten ki long u Zephaniah Banphiralang Nongbri bad Risalanaki Laloo ha ka kyrdan kaba 9. Na ka St. Edmunds Higher Secondary School, Shillong kiwei pat kiba la rung ha ka kyrdan Top Ten ki long u Hamekhrawbok Kharshiing ha ka kyrdan kaba san bad Emiheisakiru L. Thubru ha ka kyrdan kaba 9.
Nangta sa arngut ki khynnah skul jong ka Don Bosco College (higher secondary section) Tura ki la ïoh ïa ka kyrdan kaba ar bad kaba lai, kata, ka Tanisha Das bad u Salseng Marak.
Na ka St. Marys Higher Secondary School, Shillong, ka Naaz Bashar ka la ïoh ïa ka kyrdan kaba saw bad ka Sneha Ghosh ha ka kyrdan kaba khyndai.
Kiwei pat ki khynnah skul kiba la rung ha ka kyrdan Top Ten ki kynthup ïa u John Vianney Lyngdoh na ka St. John Bosco Boys’ Hr. Sec. School, Sohra uba la poi ha ka kyrdan kaba 6, u Fredrique Gweneth Ryngkhlem na ka North Liberty Higher Secondary School, Mookyrdoop-Jowai ha ka kyrdan kaba 7, ka Rimika Esther Dkhar na ka Laban Bengalee Girls’ Higher Secondary School, Shillong ha ka kyrdan kaba 8, u Kyrmenlang Nongrum na ka Village Durbar Higher Secondary School, Swer ha ka kyrdan kaba 8, ka Pynbhashisha Nongbri na ka Auxilium Girls’ Higher Secondary School, Shillong ha ka kyrdan kaba phra bad ka Monkynjailin Syngkon na ka St. Dominic’s Higher Secondary School, Mawkyndeng ha ka kyrdan kaba 10.
Haba khein lang ïa ka jingpas jong ki khynnah ha une u snem 2024 kiba ïakhun kum ki Regular bad ki Non-Regular ka long 79.76 percent.
Ka jingpas jong ki khynnah ha ka eksamin HSSLC ka long 79.76 percent. Ha u snem ba ladep ka jingpas ki khynnah ka long 80.30 percent.
Katba 21,833 hajar ngut na ki 27,374 hajar ngut ki khynnah skul na ki 251 tylli ki skul ki la pas ha ka eksamin HSSLC kaba la long ha ki 105 tylli ki Centre.
Ha ka eksamin HSSLC, ka Eastern West Khasi Hills District ka la paw kum ka district kaba bun tam ki khynnah kiba pas kaba long 92.32 percent katba ka South Garo Hills ka dei kaba duna tam kaba long tang 56.30 percent.
