Shillong, Nailar, 17: Sa uwei u nongialam jong ka seng kieng atiar National Liberation Council of Nongkyndong ba dang shu pynkha thymmai, u la shah kem ha ki Pulit na Iewduh ha ka step 17 tarik, Nailar, 2023.
Une uba la shah kem u la kam ialade ba u dei u self-styled Area Commander jong ka East Khasi Hills District, ong ki Pulit.
Ka jingiohkem jong ki Pulit ia ki dkhot ka NLCN ka la kiew sha ka 11 ngut ba kynthup ruh ia uwei u khynnah skul uba dang 16 snem ka rta uba dang pule ha ka Class-10, la iathuh ki Pulit.
U Heh Pulit u la iathuh ba ki Pulit ki la pynlong ka jingthwet kaba jur ban ioh kem lut ia baroh ki dkhot jong kane ka seng kieng atiar bathymmai.
Ia kine kiba la shah kem, ki Pulit ki la tian bishar ha ka Kashari ha ka 17 tarik u Nailar, 2023 bad ki Pulit ki la pan por ruh na ka Kashari ban set ha along ki Pulit khnang ba kin ioh pynlong shuh shuh ia ki jingtohkit kiba kham bniah.
