Shillong, Nailur, 28: Kum shi bynta ka jingrakhe ïa ka sngi kha jong u Mahatma Gandhi bad ka jingrakhe ïa ka Swachhata Hi Seva, ka Raj Bhavan, Shillong rynkat ka jingïatreilang bad ka Central Bureau of Communication, Shillong, Sorkar India bad ka ophis District Sports Officer, East Khasi Hills District Sorkar Meghalaya, kan pynlong ïa ka “Swachhata 5.5K Run” ha ka 2 tarik Risaw 2024 bad kane ka jingmareh kan sdang bad kan kut ha iing u Lat ka Jylla na Raj Bhavan, Shillong.
Ka Swachhata Run kan sdang na Raj Bhavan, Shillong ha ka por 7:00 Mynstep bad yn plie paidbah da u Lat ka Jylla Meghalaya C. H. Vijayashankar.
Ka lynti na ka bynta kane ka jingmareh kan long St. Anthony’s College, Shillong College, St. Mary’s College, Don Bosco Square, Iew Laitumkhrah, Fire Brigade, St. Edmund’s School, Malki Point, Barik Point, Civil Hospital, Main Secretariat, DC Office bad kan kut ha Raj Bhavan, Shillong.
Ki khusnam open category na ka bynta ki shynrang bad kynthei ki long khusnam ba nyngkong T. 5,000, ba ar T. 3,000 bad ba lai T. 2,000. Kin don ruh ki khusnam consolation ba mar T. 1,000 na ka bynta ki kyrdan ba 4 haduh 8 bad T. 1,000 ïa ki Rangbah bad ki longkmie kiba la 50 snem shaneng (kyrdan ba 1 haduh 5).
Lah ban pynrung kyrteng ha katei hi ka jaka naduh 6 haduh 6:45 mynstep ha ka 2 tarik Risaw, 2024. Ka link na ka bynta ka jingthep kyrteng online kalong https://bit.ly/3Y3wqhv. Yn sam ïa ki nombar ha ka 2 tarik Risaw, 2024 naduh ka por 6 baje mynstep haduh 6:45 mynstep ha ka jaka sdang. Ki nongïashim bynta kin ïoh ei ïa ki sopti Swachhata bad ki jingbam jingdih.
