Shillong, ïaïong, 15: Hadien ka jingiakynduh lang jong ki ar parti jong ka NDA myn ha u bnai lber ba la dep hangne ha Shillong, ki nongkitkam jong ka BJP na baroh ki distrik Jong ka 1- Shillong Constituency ki la trei minot bad shitrhem khnang ban pynioh jingjop ia ka paralok jong ka ka NPP na ka Shillong Lok Sabha Seat.
Haduh kumba shiphew hajar ngut ki dkhot ne nongtrei shitrhem kiba la trei minot tyngeh ban pyntikna ba ka jylla jong ngi kan ioh bhah ban ioh nongmihkhmat ha ka sorkar NDA ba ialam da u Narendra Modi, ka sorkar kaban sa wanphai biang haka sien kaba lai kaba la iathuh lypa da ki nongpeitngor ha kine ki khyndiat bnai ba la dep.
Katba ka jingialap elekshon ka la nang jan sha ka sngi ban jied iaki nongmihkhmat ka jingshitrhem bad jingthrang ban pynlong kum ki jingialang ka la nang rhem nang rhem. U nongmihkhmat ka BJP u Bah Sanbor Shullai i la pynlong bun tylli ki jingialang ha Kench’ s Trace, Laban bad Cantonment Area, da kaba kyntu iaki nongbud ban thep bad shon ha ka shap jong ka kot mynta kynti kumban kyrshan ia u Modi.
Shuh shuh la iohi ia ka kong Priyambada Blah kaba dei ka vice president jongka ST Morcha bad ka Kong Eunesscy Khyriem kaba long ka Gen. Secretary ki la leit ban ialap elekshon na bynta k Dr. Ampareen Lyngdoh ha Nongrang bad Thangmaw ha Eastern West Khasi hills. La don Lang ruh ka heh duh na ka distrik ka kong Wanpynbiang Nongtariang bad u Bah Pranes Nongrang bad ka kong Sunita Swer bad kiwei kiwei ruh
La sahkhi ruh ia ki jingialang ha ki san tylli ki mandal ba hap ha Ri- Bhoi distrik ba peit da u bah Sen Thabah um u distrk president bad la iohi ruh iaka jingbun jong ki nong wan sngap, ha ri lum Jaintia ruh la pynlong shibun ki jingialang hapoh ka jngialam u distrik president u bah Commanderful Sana lem bad ki nongtrei ba shitrhem ka distrik. U bah David Kharsati uba dei u dkhot ka national council bad u bah Wankitbok Pohshna ub dei u state general secretary ki la iadon lang ban pynshngain bad ai mynsiem ha ki jingalang.
Ka OBC Morcha ruh ka la don bynta Lang ha kaba ka la pynlong jingialang ha Nongpoh, ba la ialam da u Maneshwar Singh, ha kaba la don ryngkat ka kong Dell Nonglait ka general secretary ka East Khasi hills bad president ka OBC u Arun Kumar. U President ka BJP Kisan Morcha u bah Ralden V Shabong ula don ryngkat ban ai ka jingkyrshan iaka kyrtong jong ka NDA.
Kum ban pyni ne pynkynmaw iaka jingtrei jongka BJP Mahila morcha ba la ialam da ka kong Susuki Pariat bad ka BJYM ba la ialam da u Mewanker Lyngdoh kiba la trei shitom bad trei shitrhem khlem shongthait ban wad jingkyrshan na ka bynta ka candidate.
Ka BJP Mahila Morcha bad ka kynhun ruh ki la trei shitom ha kaba ki la leit ialap elekshon ha man la ki thliew iing ha Shillong bad ha kiwei ki jaka ruh.
Ha ba peit iaka jingtrei minot jong ki kynhun, ki nongialam, ki nongtrei mon sngewbha jong ka seng BJP ha Meghalaya la sngew tikna ba ka Dr. Ampareen Lyngdoh kan rah ia ka jingjop mynta ka kynti bad mynta kynti BJP bad ka kynhun NDA kan tam iaka 400 ngut ki dkhot ha iing Dorbar Thawaiñ.
