Shillong, Jymmang 17: Ka Khasi Students’ Union (KSU) ha ka sngi Thohdieng, ka la dawa ïa ka Sorkar Jylla ban sei madan ïa ki mark ba la ïoh da ki nongïakhun kam shuwa ba kin leit sha ka Walk-in-Interview rung kam nos da kaba ïateh kontrak (Contractual Basis)
Katkum ka shithi ba ka seng ka la phah sha ka Director of Health Services (DHS), u Chairman ka KSU-Employment Monitoring Cell u samla Reuben Najiar u la ong ba ka KSU ka sngewkhia halor ki jingkynnoh jong ki nongïakhun kam kiba aplai ïa ka kam Staff Nurse bad kane kan long katkum ka jingpynbna laitkam kaba la pynmih ha ka 06/03/2024 da ka DHS,Shillong.
Ha kaba iadei bad kane, u samla Najiar u la ong katkum ka jingpynbna laitkam, ki la don shibun ki kyndon ba la buh da ka Ophis ban jied ïa ki nongiakhun ha ka interview katkum ka jingwan shakhmat jong ki, hynrei ki la mih pat shibun ki jingkynnoh jong ki nongaplai kam ki bym mih kyrteng ha ka thup Interview, ba ka thup ka dei kaba leh thok bad ia ka thup la pynkhreh da ka jingphah jong ki briew kiba bat ïa ki kyrdan bapher bapher hapoh ka Sorkar.
Ka Seng ka la kam ruh ba ki la don ki jingkynnoh ba ki nongapkai kam ba la shah jied ha ka Walk-in-interview kim shym la kot katkum ki kyndon ba la buh da ka Ophis
Shuh shuh ka seng ka la dawa ba khnang ban ioh jingshai halor ka thup ki kyrtong ba la shah jied ban leh i aka interview bad ban kiar ïa ka jingkynnoh ka ophis DHS ka dei ban pynmih ia ki mark jong baroh ki kyrtong kiba aplai ïa ka kam khnang ban ki nongaplai kam ruh kin hun.
“Ngi la dawa ban sei madan ïa ki mark jong baroh hashwa ka walk-in-interview,” la dawa ka seng.
