Shillong, Nailar 17: Ka Expert Committee jong ka tnat District Council Affairs ka Sorkar Jylla ka la pynphai biang sha ka Khasi Hills Autonomous Districti Council haduh 8 tylli ki Bill lane ki Aiñ Rew, kata, 7 tylli na ka tnat Elaka bad kawei pat ka dei ka Clan Bill. Ia kane la pyntip da u Chief Executive member jong ka Khasi Khasi Hills Autonomous Districti Council u Bah Pyniaid Sing Syiem ha ka jingiakren bad ki lad pathai khubor hadien ka jingiakynduh ia u Lat ka Jylla u Phagu Chauhan.
Ha ka jingiakren bad ki lad pathai khubor ha ka sngi Palei, u Bah Pyniaid u la iathuh ruh ba ka Executive Committee jong ka ka Council ka la ai khublei kyrpang ia u Lat ka Jylla halor ka jingai jingmynjur ia ka Khasi Hills Autonomous District (Establishment, Managagement and Control of Markets) (Second Amendment) Regulation, Act, 2021 ba la mynjur da ka iingdorbar Thawain ka Khasi Hills Autonomous District Council ha u snem 2021.
“Na ka liang jong ka Executive Committee kan sa shong noh mardor ban peit ia ki jingduna halor kine ki Bill shwa ba ngin phah biang sha ka tnat DCA ban ioh ia ka jingmynjur na u Lat ka Jylla,” u la ong.
