Shillong, ïaïong, 30: U Deputy Commisioner jong ka East Khasi Hills u SC Sadhu ha ka sngi Baar u la pynjari da ka Section 144 CrPC kaba mana tyngeh ia kino kino kiba wiang ding ia ki khlaw ki btap hapoh u pud u sam jong ka East Khasi Hills.
“La pyntip ba ki la don bun ki jingjia pluh ding ha kiba bun ki bynta bapher bapher jong ka East Khasi Hills District. Namarkata, la lap ba ka jingmlien ban wiang ding ia ki khlaw ki btap ka la ktah shikatdei eh ia ki sawdong sawkun jong ka mariang kaba pynmih ia ka lyer jaboh bad kaba pynjulor ia ki jingthung jingtep, ki khlaw ki btap, bad kaba buh jingma ruh ia ki briew bad ia ki nongkynti jong ki paidbah,” la ong u DC ha ka hukum.
“Namarkata, da kaba pyntreikam ia ka itkiar ba la pynkupbor hapoh ka Section 144 CrPC, bad ban iada ia ka jingim bad ia ki jingdon jingem bad ban iada na kino kino ki jingjia ba sngewsihi, la pynjari ia kane ka hukum kaba mana ban thang ia ki phlang, ia ki dieng ki siej bad kiwei kiwei, ha ki khlaw ki btap bad ha ki jaka phla, ha ki Park, ha ki jaka thung jingthung, ha ki jaka shrah bad ban thang ia ki khlaw, ha ki jaka kiba hap hapoh ka East Khasi HIlls Distirct. Namar ka jingdonkam kyrkieh, kane ka hukum kan treikam mardor tad haduh ban da pynbna da kumwei pat.
