Shillong, Jymmang 29 : Ka long ka khubor kaba bha bad kaba sngewtynnad na bynta ki khun samla pule jong ka jylla haba ka tnad Ministry of Education, Government of India ka la pynbna ha ka sngi Balang jong ka taïew ka 29 tarik u Jymmang 2024, ba ka jylla Meghalaya bad ka jylla Nagaland kim donkam ban leh ïa ka Common Unversity Entrance Test (CUET) 2024.
Ha ka jingpynbna halor kane, u myntri rangbah ka jylla u Conrad K Sangma u la thoh ha ka X da kaba ong, “Ka long ka jingkmen na bynta ki samla pule ba ka test na ka bynta ka admission na ki college kiba hapoh ki Central University ha jylla Meghalaya ki la lait noh na bynta kune u snem scholastic year.”
Ka shithi na u Gopal Kumar, Under Secretary jong ka sorkar pdeng, Ministry of Education ka la ong kumne, “La bthah ïa nga ban pyntip shaphi ba ka UGC ka la shim ïa ka rai halor ka jingkyrpad, ba la ailad ïa ki college hapoh ka jylla ban pdiang ïa ki admission kumba la ju leh ha kip or ba la dep bad kim donkam ban shim ïa ka CUET na bynta u snem 2024-25.”
