Shillong, Naiwieng 03: Da ka jingthmu ban pynjanai ïa ka leit ka wan jong ki kali ha ka thaiñ Polo bad ha Madanrting, ka Shillong Traffic Police (STP) ka la rai ban wanrah katto katne ki jingkylla ka rukom pynïaid kali tang kum ka jingpyrshang (trial basis) ha kine ki ar tylli ki jaka naduh ka 6 tarik mynta u bnai
Ha ka thaiñ Polo, yn ym shah ban rung ïa ki kali na 4th Furlong Junction kiba kwah ban leit sha Polo. Kin hap ban khun na CS Junction/Pinewood Junction/B. K. Bajoria Junction.
Ym shah ban pynkhun sha ka mon (No Right-Turn) ha Matri Mandir Junction ïa ki kali kiba kwah ban leit sha iew Polo. Kin hap ban ïaid beit sha 4th Furlong.
Ym shah ban pynkhun sha ka mon (No Right Turn) na Green Hills Junction na ka bynta ki kali kiba wan na ka surok Polo Towers bad kiba kwah ban leit sha 4th Furlong, kin hap ban pynkhun sha ka mon ha Iew Polo bad ïaid sha 4th Furlong.
Ha Madanrting, ïa ka surok naduh Lumbasuk Junction haduh National Law University (NLU) yn pynïaid noh tang shi laiñ, kata ïa ki kali ki lah ban ïaid na Lumbasuk Junction sha NLU.
![](https://batesitv.com/wp-content/uploads/2023/11/Adobe-Scan-Nov-04-2023_3-724x1024.jpg)
Ka surok na Demthring Petrol Pump Junction sha Madanrting Presbyterian Junction yn pynïaid tang shi laiñ, kata, ki kali ki lah ban ïaid na Demthring Petrol Pump Junction sha Madanrting Presbyterian Junction.
Ka surok na Madanrting Market Junction kaba pynïasoh bad ka Demthring Petrol Pump Junction yn pynïaid noh tang shi laiñ, kata, ki kai ki lah ban ïaid na iew Madanrting sha Demthring Petrol Pump Junction.
![](https://batesitv.com/wp-content/uploads/2023/11/Adobe-Scan-Nov-04-2023_4-724x1024.jpg)