Shillong, Nohprah, 12: Ka Khasi Students Union (KSU) ha ka sngi Saitjaiñ jong ka taiew baladep ka la pynthymmai ïa ka shnat treikam jong ka KSU Dehradun Unit ha nongbah Dehradun.
Ha kane ka sngi la don lang ruh u Education Secretary ka KSU u samla Pynkmenlang Sanmiet, u Asst. Finance Secretary u samla Ïashanborlang Mukhim, u nongïalam jong ka KSU Delhi Unit u samla Nicholas Chyrmang.
Ka KSU Dehradun Unit ka la pynlong ruh ïa ka Freshers’ Meet ha kaba u President ka KSU-CEN u samla Lambokstarwell Marngar u la long kum u Kongsan bad ka Kong Mily Rabon kum ka Symbud Kongsan da ka jingïashim bynta jong ki samla Khasi kiba pule ha ka nongbah Dehradun bad kumjuh ruh la pynshngain lem da ki samla pule na kiwei pat ki Jylla jong ka thaiñ Shatei Lammihngi kiba kynthup ïa ki samla na ka jylla Mizoram, Nagaland bad kiwei kiwei.
