Shillong, ïaïong, 01: Katto katne ngut ki nongkyrshan jong ka Voice of the People Party (VPP) ki la shah rah sha Thanad ha ki Pulit ka Ribhoi District hadien ba ki la pynthud ia ka jingialang da kaba pyrta ha u prah, ha u prah katba ka Kyrtong jong ka National Peoples Party (NPP) ka Dr. Ampareen Lyngdoh ka dang ai jingkren halor rynsan ha ka jingialap elekshon ha ka shnong Umsning ha ka Lah Sngi u Blei.
Ha kum kane ka por, nalor rynsan ka Dr. Ampareen ka la ong sha ki briew kiba pyrta prah shi prah ba kin leit phai noh sha la iing bad hadien ba la mih ka jinghuri hura ki Pulit ki la rah noh ia ki sha Thanad.
Shwa kane, na ka liang jong ka Dr. Ampareen ka la kyntu ïa ki nongkyrshan jong ka Voice of the People Party ban leit noh sha iing namarba kane ka lah ban wanrah ka jinghura hura ha kane ka jaka.
