Shillong, ïaïong, 08: Ka Hynñiewtrep Integrated Territorial Organisation (HITO) Nongthymmai Circle ha ka taiew ba ladep ryngkat ka jingsakhi lang jong u President rangbah u Bah Donbok Dkhar ka la pynkup burom ia ki heprit kiba la wanrah nam bad burom ia ka Jylla Meghalaya ha ka lympung ialehkai Sambo kaba long ha Haryana kaba la tip kum ka 14th National Sambo Championship 2023-24.
Kine ki nongialehkai ki dei na ka Sambo Association of Meghalaya ba la lamkhmat da u Bah Elton Swer kum u President.
Lai ngut ki nongialehkai kiba la ioh khur ia ka takma ksiar ki long Amaziah Syiemlieh, Dame Hector Marboh bad Samuel Mukherjee. Lai ngut kiba ioh khur takma Rupa ki long Mewanshanlang kharsyiemiong, Iaphilabet Rani bad Haridey Tamang katba uwei uba la ioh khur ia ka takma rnong u dei u Nangkitboklang Diengdoh.
