Shillong, ïaïong, 27: Ka Expert Committee on the State Reservation Policy, Meghalaya kaba la shong ia ka jingialang ha ka wat kaba ar ha ka sngi Saitjaiñ ka la rai ban pynmih da ka jingpyntip paidbah ban iasyllok/pan jingmut/jingkynthoh halor ka State Reservation Policy.
Ka Expert Committee ka la rai ruh ban sa pynlong ia ka jingpynsngew paidbah ha Shillong bad ha kiwei kiwei ki distrik lane ha kino kino ki jaka katkum ka jingshim rai jong ka Committtee hadien ba la ioh pdiang ia ka jingkynthoh/jingai jingmut na ki kynhun bapher bapher.
Ka jingialang kaba bud yn sa pynlong biang ha u bnai Jymmang, 2024.
Ka Sorkar ka la thaw ia ka Expert Committee on the State Reservation Policy lyngba ka Notification NO. PER (AR) 49/2023/Pt/3 Dated the 12th September,2023 ba la khlieh da u Justice (Retd.) Mr. Mool Chand Garg kum u Chairman bad ki dkhot ki kynthup ia u Justice (Retd.) Dr. Satish Chandra, u Prof. D.V. Kumar, u Prof. Chander Shekhar bad u Prof. Subhadip Mukherjee.
