Shillong, K’Lyngkot, 28: U Lyngdoh Sad jong ka Jylla Niam Bah Shillong u Most Rev. Victor Lyngdoh ha ka sngi Thohdieng jong ka taiew baladep u la phah ia u kyrwoh sha ki Lyngdoh, ki Riewniam bad sha ki paidriewngeit ban pyntip ia ka jingplie thymmai sa ar tylli ki Parish hapoh ka Jylla Niam Bah.
“Da kaba shaniah ha u Blei, ha ka 26 tarik, Kyllalyngkot, 2024 ngi la don ka jingialang bad ki dkhot jong ka Council jong ka Jylla Niambah Shillong, u Parish Priest jong ka Upper Shillong bad ki Rangbah Balang ha kaba ngi la rai ban plie ia ka Parish Mawñianglah,” la pyntip u Most Rev. Victor Lyngdoh.
Tang ha ka sngi kaba bud, u Most Rev. Victor Lyngdoh u la pyntip sha ki paidriewngeit ban plie thymmai sa ia ka Parish Mawpdang.
“Da kaba shaniah ha u Blei, ha ka 27 tarik, Kyllalyngkot, 2024 ngi la don ka jingialang bad ki dkhot jong ka Council jong ka Jylla Niambah Shillong, u Parish Priest jong ka Parish Pynthorumkhrah bad ki Rangbah Balang ha kaba ngi la rai ban plie ia ka Parish Mawpdang,” la pyntip u Most Rev. Victor Lyngdoh.
Kum ban shu pynkynmaw, ha ka 9 tarik mynta u bnai u Most Rev. Victor Lyngdoh u la pyntip halor ka jingplie ïa ki Parish ba thymmai kiba kynthup ïa ka Mawiong, Mawtawar, Umpling, Nongrah bad ka Madanrting.
Tad haduh mynta, ki Parish ban sa plie thymmai ki long hynñiew tylli.
