Shillong, Jylliew, 13: Ka Hynniewtrep Youths’ Council (HYC) Seng Kmie ha ka sngi Palei ka la phah biang sa lai ngut ki samla kiba la im kyrni ha ka jingdih drok ban ïoh jingsumar ha ka Alive Again Foundation, ka Rehabilitation Centre kaba don ha ka jylla Assam.
U General Secretary ka HYC Bah Isaac W Basaïawmoit u la ong, naduh ka 2 tarik Jymmang 2024 ba la pynbna ïa ka thma ban ïakhun pyrshah ïa u drok, ka seng khlem shongthait, ka la leit sha kylleng ki jaka ym tang ban khynra ne thang ïa u drok hadien ba la kynrup na ki nongdih drok hynrei ka seng ka la sneng la kraw bad la phah ruh ïa kine ki samla sha ki Rehabilitation Centre hadien ba la ai jingmynjur na ki bahaiing jong kine ki samla.
Kane ka dei ka wat kaba phra bad kumba 24 ngut ka seng ka la phah ïa ki samla ba la im kyrni ha u drok ban leit shah sumar ha kane ka Rehabibilitaion Centre kaba don ha Assam khnang ba kin ïoh biang ïa ka jingim ba thymmai.
