Jowai, Jylliew 09: Uwei u nongñiah trok u la shah pynïap dusmon ha ka shnong Mukhla Umsuwe, West Jaiñtia Hills District kaba don mar pyrshah bad ka Petrol Pump.
Ïa ka met jong u nongñiah trok la don ïa ki dak ki shin ba shah dung ha ki bynta jong ka khlieh bad ha kiwei de ki bynta jong ka met la lap na kawei ka khlaw ha ki bynta ka Ladmukhla Umsuwe mar pyrshah bad ka Pnar Service Station.
Ki Pulit hadien ba la ïoh jingtip ki la leit ban shimti na ka bynta ban pynkit noh ïa ka met ïap sha Jowai Civil Hospital, ban ïoh leh ïa kaba donkam.
Ha ka jingwad bniah la tip kyrteng ïa une uba la shah pynïap kum u Bah Sambun Dkhar uba ñiah ïa ka trok kaba don ïa u nombar NL-01AC-6175.
U Bah Sambun Dkhar u la shah kem teng ha ki Pulit halor ka jingkynnoh ba u dei uba donkti ban pynïap briew ha u snem 2023.
