Shillong, Nohprah, 15: U Johnny Nongrum uba dei u khlur iakura Mixed Martial Art ba pawnam bha jong kane ka jylla u la lah ban pynliem lyndang tang 8 sekon ia u Farid uba dei u rangiakura na ka jylla Madya Pradesh ha ka sngi sdang jong ka Yolo Carnival ba la pynlong da ka WFC kaba la sdang ha ka 15 tarik, Nohprah ha Madan Kurkalang Ri Bhoi District.
U Johny Nongrum, kumba u ladep kren lypa ha ka Face Off kaba la long ha ka 14 tarik u Nohprah, ba u don ka jingshaniah kaba 99.9 percent ha lade ban pynliem lyndang ia une u nongiakura, kumta ruh ka la urlong kumba u la kren.
