Khliehriat, Iaiong, 30: Ka jingther jong u lapbah bad u phria ryngkat ka lyer kaba jur ha ka sngi Baar ka la wanrah ia ka jingtwa khyndew bad ka jingkhyllem jong ki diengheh bad ki diengrit ha ki bynta jong ka surokbah National Highway-6 ha East Jaintia Hills District.
Kane ka jingtwa khyndew ka la jia ha ka por kumba 5:00 baje bad ha kane ka jingjia kam don kano kano ka jingjia kaba sngewsih.
Kane ka jingtwa khyndew bad jingkhyllem jong ki dieng ka la jia ha ka shnong Sonapyrdi hajan ka Chek-post jong ki shipai BSF ha kaba ki dieng kiba khyllem ki la ban ia ki katto katne tylli ki trok bad kiba la julor.
Kane ka jingjia ka la wanrah ruh ka jingdheng kali ha kane ka surok bah.
