Shillong, Jylliew 08 : U Lamphang ka ïing dorbar Thaw-Ain ka jylla u Thomas A Sangma u la ithuh ia u MLA ka seng Congress na Mylliem Konstitwensi u Bah Ronnie V Lyngdoh kum u nongialam jong ka Liang pyrshah naduh ka 8 tarik u Jylliew 2023, ia kane la pynbna da u Commissioner and Secretary jong ka Meghalaya Legislative Assembly u Dr. Andrew Simon. Ki don lai tylli ki seng sainpyrthei kiba don mynta ha ka Liang Pyrshah kata ka seng Congress kaba don 5 ngut ki MLA , ka All India Trinamool Congress 5 ngut ki MLA bad ka Voice of the People Party kaba don 4 ngut ki MLA. U Lamphang u la ithuh ruh ia u MLA ka Congress na Gambegre Konstitwensi u Saleng A Sangma kum u Opposition Chief Whip.
